Ýkrainanyń Resei Federatsiiasymen kelissózderdegi basymdyqtary ózgerissiz qalady – egemendik, aýmaqtyq tutastyq jáne qaýipsizdik máseleleri. Bul týraly dúisenbide Ýkraina prezidenti Vladimir Zelenskii málimdedi, dep habarlaidy QazAqparat Ýkrain basshysynyń telegram kanalyna silteme jasap.
«Alda kelissózderdiń jańa raýndy, biz beibitshilikti qalaimyz. Maǵan málim bolǵandai, Túrkiia aýmaǵynda betpe-bet kezdesý múmkindigi paida boldy. Bul jaman emes. Nátijesin kóreiik. Bizdiń basymdyqtarymyz belgili. Ýkrainanyń egemendigi men aýmaqtyq tutastyǵy kúmánsiz. Memleketimiz úshin tiimdi qaýipsizdik kepildikteri mindetti. Bizdiń maqsatymyz da aiqyn – beibitshilik pen qalypty ómirdi tez arada qalpyna keltirý», - dedi Zelenskii video úndeýinde.
Eske salsaq, Resei delegatsiiasynyń basshysy, prezident kómekshisi Vladimir Medinskii Resei men Ýkraina delegatsiialary kelissózderdiń kezekti raýndyn 29-30 naýryzda ótkizý týraly sheshim qabyldaǵanyn habarlaǵan bolatyn.
Buǵan deiin de eki el arasynda birneshe kelissóz ótkizildi, biraq aitarlyqtai nátije bolǵan joq.
