Aqtóbe oblysynda CyberPol bólimshesiniń qyzmetkerleri internet arqyly jasalǵan alaiaqtyq deregin ashyp, zańsyz mikrokredit rásimdegen kúdiktini ustady, dep habarlaidy ult.kz.
Politsiiaǵa júgingen oblys turǵyny Instagram áleýmettik jelisinde 1 million teńge kóleminde nesie alýǵa kómektesý týraly jarnamany kórip, kórsetilgen silteme arqyly ótkenin aitqan.
Keiin WhatsApp messendjeri arqyly belgisiz adammen hat almasqan jábirlenýshi oǵan jeke derekterin, jeke kýáliginiń fotosýretin, óz sýretin jáne SMS arqyly kelgen rastaý kodyn jibergen.
Alaida qajetti málimetterdi alǵannan keiin kúdikti bailanysqa shyqpai qoiǵan. Bir aidan soń turǵyn óziniń atyna mikroqarjy uiymdarynyń birinen nesie rásimdelgeni jáne ony óteý qajettigi týraly habarlama alǵan.
Keltirilgen shyǵyn kólemi 260 myń teńgeni qurady.
Jedel-izdestirý sharalary barysynda politseiler kúdiktiniń jeke basyn anyqtap, ony ustady. Ol Aqtaý qalasynyń 23 jastaǵy turǵyny bolyp shyqty.
Kúdikti ýaqytsha ustaý izoliatoryna qamaldy. Qazirgi ýaqytta atalǵan fakti boiynsha sotqa deiingi tergep-tekserý júrgizilip jatyr.
