Qazaqstanda zeinet jasyndaǵy jáne zeinetke shyǵýǵa jaqyn azamattarǵa nesie berý tártibi kúsheitiledi. Endi bul sanattaǵy azamattar kreditti onlain rásimdei almaidy, dep habarlaidy ult.kz Zakon.kz saityna silteme jasap.
Bul týraly Ulttyq bank tóraǵasy Timýr Súleimenov málimdedi.
Jańa talapqa sáikes, zeinet jasyndaǵy jáne zeinetaldy jastaǵy qazaqstandyqtar nesie alý úshin bank bólimshesine jeke kelýi tiis. Qashyqtan, mobildi qosymsha nemese internet arqyly nesie rásimdeý múmkindigi bolmaidy.
Sonymen qatar bank qyzmetkerlerine kúmándi jaǵdailarda nesie berýden bas tartý quqyǵy beriledi. Eger menedjer klienttiń alaiaqtardyń yqpalynda ekenin nemese óz áreketiniń mánin tolyq túsinbeitinin baiqasa, bank nesie bermeýge mindetti bolady.
Atap aitqanda, mynadai jaǵdailarda nesie berýden bas tartylady:
- klienttiń telefon arqyly úshinshi tulǵalardyń nusqaýyn oryndap otyrǵanyna kúdik týyndasa;
- nesie alýshynyń mazasyzdanyp, únemi telefonyna qarap, bireýdiń aitqanyn oryndap otyrǵany baiqalsa;
- klient nesieniń naqty qandai maqsatqa qajet ekenin anyq ári túsinikti túsindire almasa.
Ulttyq banktiń málimetinshe, bul sharalar telefon jáne internet alaiaqtarynyń qurbanyna jii ainalatyn egde jastaǵy azamattardy qorǵaýǵa baǵyttalǵan.
Jańa talaptardyń saqtalýyn Qarjy naryǵyn retteý jáne damytý agenttigi baqylaidy.
