Astanada jedel meditsinalyq járdem stantsiiasyndaǵy biýdjet qarajatyn jymqyrý isi boiynsha sot úkimi shyqty. Burynǵy úsh qyzmetker memleketke 700 mln teńgeden astam shyǵyn keltirgeni úshin bas bostandyǵynan aiyryldy, dep habarlaidy ult.kz.
Bas prokýratýranyń málimetinshe, 2020–2023 jyldary elordalyq jedel járdem stantsiiasynyń burynǵy basshylary men jaýapty qyzmetkerleri sanitarlyq kólikterdi jóndeý jáne tehnikalyq qyzmet kórsetýge bólingen qarajatty zańsyz iemdenýdi uiymdastyrǵan.
Sot anyqtaǵandai, qarjynyń tiimsiz ári zańsyz jumsalýy saldarynan jaramdy jedel járdem kólikteriniń sany 149-dan 32-ge deiin qysqarǵan.
Memleketke keltirilgen shyǵyn kólemi 700 mln teńgeden asqan. Onyń 440 mln teńgeden astam bóligi sot sheshimimen óndiriletin boldy. Al jedel járdem ornyna taksi qyzmetin paidalanýǵa jumsalǵan 300 mln teńgeden astam qarjyny qaitarý máselesi azamattyq sot tártibimen qaralady.
Sot Qylmystyq kodekstiń 189-baby 4-bóligi boiynsha úsh burynǵy qyzmetkerdi kináli dep tanyp, olardy 8 jáne 9 jyl merzimge bas bostandyǵynan aiyrdy.
Sonymen qatar sottalǵandarǵa memlekettik jáne kvazimemlekettik uiymdarda qyzmet atqarýǵa ómir boiyna tyiym salyndy.
Úkim ázirge zańdy kúshine engen joq.
