Ánshi Jazira Baiyrbekovanyń sińlisi Nazira Baiyrbekova jubaiynyń opasyzdyǵy týraly ne sebepti ashyq pikir bildirgenin túsindirdi, dep habarlaidy ult.kz.
Ol áleýmettik jelidegi jazbasynda bul taqyrypty jeke renishin jariia etý úshin emes, neke men otbasydaǵy adaldyqqa qatysty óz ustanymyn jetkizý maqsatynda kótergenin aitty.
Naziranyń sózinshe, oǵan kúieýiniń opasyzdyǵyna tap bolǵan nemese bul máseleni jaqyndarymen ashyq talqylai almai júrgen áielderden jii hat keledi.
«Neke adaldyǵyn attaǵandy keshirmeý kerek degendi ylǵi aityp kelem. Bul – meniń búgingi messedjim. Otbasy qundylyǵy eri ne zaiyby satqyndyq jasap, ekinshisi soǵan tózip, ótirik kúlip júrip ómir súrý arqyly saqtalmaidy, meniń uǵymymda», – dep jazdy ol.
Baiyrbekova qoǵamda er adamnyń opasyzdyǵyn qalypty jaǵdai retinde qabyldaityn pikirlerge de qarsylyq bildirdi.
«Maǵan da “kim aldamai jatyr, er adamdardyń kóbi sóitedi” dep jatqandar kóp. Ol kóp kimder? Óz-ózin baǵalamaityn ne qylǵan kóp olardyń syńarlary?» – dedi ol.
Sonymen qatar Nazira Baiyrbekova adamnyń minezinen nemese áreketinen kemshilik izdeý arqyly jubaiynyń opasyzdyǵyn aqtaýǵa bolmaitynyn atap ótti.
