Shyǵys Qazaqstan oblysynyń qutqarýshylary úsh kúnnen beri Zaisan kóline balyq aýlaýǵa baryp, iz-túzsiz ketken eki balyqshyny izdestirip jatyr, dep habarlaidy "Ult aqparat" oblystyq tótenshe jaǵdailar departamentine silteme jasap.
Tarbaǵatai aýdanynda 1990 jáne 1981 jyly týǵan eki balyqshy 20 qarashada balyq aýlaýǵa shyǵyp, sodan beri oralmaǵan.
21 qarasha tańerteń oqiǵa ornyna quramynda 10 adamy bar top pen bir arnaiy tehnika, «Pegas» qaiyǵy attandy.
«Odan bólek oblystyq ákimdiktiń Mi-8 tikushaǵy da balyqshylardy izdeýge jumyldyryldy. Jergilikti politsiianyń ushatyn apparaty men jergilikti 50 turǵyn da osy iske atsalysyp jatyr» delingen habarlamada.
Sol kúni balyqshylardyń qaiyǵynyń benzin quiatyn ydysy tabyldy.
Keshe, iaǵni 22 qarashada súńgýir mamandar arnaiy quraldyń kómegimen kól betindegi muzdyń astynda izdeý jumysyn júrgizdi.
Keshke qarai joǵalǵandardyń qaiyǵy tabyldy. Qutqarýshylar balyqshylardyń qaiyǵyn muz astynan alyp shyqty.
Al búgin súńgýirler sý astyndaǵy izdeý jumysyn jalǵastyrady.
