Dúniejúzi qazaqtary qaýymdastyǵy tóraǵasynyń birinshi orynbasary bolyp Zaýytbek Turysbekov sailandy. Bul týraly búgin elordadaǵy Táýelsizdik saraiynda ótip jatqan Dúniejúzi qazaqtarynyń V quryltaiynda belgili boldy.
Zaýytbek Qaýysbekuly Turysbekov 1951 jyly 15 jeltoqsanda Ońtústik Qazaqstan oblysy Túlkibas aýdanynda dúniege kelgen. Qazaq himiia-tehnologiialyq institýtyn jáne Almaty joǵary partiia mektebin bitirgen.
1973 jyldan - Qazaq himiia-tehnologiia institýtynyń oqytýshysy - komsomol uiymynyń hatshysy. 1977 jyldan Qazaqstan LKJO Shymkent oblystyq komitetiniń «Spýtnik» halyqaralyq jastar týrizmi biýrosynyń tóraǵasy. 1979 jyldan Qazaqstan LKJO Túlkibas aýdandyq komitetiniń birinshi hatshysy. 1980 jyldan - Qazaqstan KP Túlkibas aýdandyq komitetiniń ekinshi hatshysy, aýdandyq atqarý komitetiniń tóraǵasy, 1990 jyldan - Túlkibas aýdandyq partiia komitetiniń birinshi hatshysy. 1991 jyldan - halyq depýtattary Túlkibas aýdandyq keńesiniń tóraǵasy. 1992 jyldan - Túlkibas aýdany ákimshiliginiń ákimi. 1992 jylǵy mamyrdan Ońtústik Qazaqstan oblysy ákiminiń orynbasary, 1993 jylǵa mamyrdan - birinshi orynbasary. 1993-1997 jyldary Ońtústik Qazaqstan oblysynyń ákimi. 1997 jylǵy jeltoqsannan - QR Kóshi-qon jáne demografiia agenttiginiń tóraǵasy. 1999 jylǵy qańtardan - QR Prezidenti Ákimshiligi basshysynyń orynbasary - QR Prezidenti Ákimshiligi Uiymdastyrý-baqylaý bóliminiń meńgerýshisi. 2000 jyldan - QR Memlekettik qyzmet isteri agenttiginiń tóraǵasy. 2003 jyldan - QR ishki ister ministri. 2005 jyldan QR Memlekettik qyzmet isteri agenttiginiń tóraǵasy. 2007 jyldan - QR-nyń Ózbekstandaǵy Tótenshe jáne Ókiletti elshisi. 2009 jylǵy tamyzdan - QR-nyń Reseidegi Tótenshe jáne Ókiletti elshisi. 2012 jylǵy sáýirden QR-nyń Ýkrainadaǵy Tótenshe jáne Ókiletti elshisi, QR-nyń Moldova Respbýlikasyndaǵy tótenshe jáne Ókiletti elshisi qyzmetin qosa atqarýshy.
«Qurmet» ordenimen 4 medalmen marapattalǵan.
