Qostanai oblysyndaǵy Zatobolsk eldimekeniniń ataýy Tobyl dep ózgerip, aýdandyq mańyzy bar qala boldy. Qaýlyǵa 2 qańtarda Qazaqstan Prezidenti Qasym-Jomart Toqaev qol qoidy.
"Qostanai oblysy Qostanai aýdanynyń Zatobolsk kenti aýdandyq mańyzy bar qalalar sanatyna jatqyzylsyn. Zatobolsk kenti Tobyl qalasy bolyp qaita atalsyn" dep jazylǵan Aqorda saityndaǵy qaýlyda.
Zatobolsk kenti Qostanai oblysyndaǵy Tobyl ózeniniń jaǵasynda ornalasqan. Jergilikti aqparat quraldarynyń habarlaýynsha, eldimeken atyn ózgertýdi jáne aýdandyq mańyzy bar qala qataryna qosýdy 2018 jyly jergilikti bastamshyl top usynǵan.
Resmi derekke sai, 2019 jyly eldimekende 24 myńnan astam adam turady.
