قوستاناي وبلىسىنداعى زاتوبولسك ەلدٸمەكەنٸنٸڭ اتاۋى توبىل دەپ ٶزگەرٸپ, اۋداندىق ماڭىزى بار قالا بولدى. قاۋلىعا 2 قاڭتاردا قازاقستان پرەزيدەنتٸ قاسىم-جومارت توقاەۆ قول قويدى.
"قوستاناي وبلىسى قوستاناي اۋدانىنىڭ زاتوبولسك كەنتٸ اۋداندىق ماڭىزى بار قالالار ساناتىنا جاتقىزىلسىن. زاتوبولسك كەنتٸ توبىل قالاسى بولىپ قايتا اتالسىن" دەپ جازىلعان اقوردا سايتىنداعى قاۋلىدا.
زاتوبولسك كەنتٸ قوستاناي وبلىسىنداعى توبىل ٶزەنٸنٸڭ جاعاسىندا ورنالاسقان. جەرگٸلٸكتٸ اقپارات قۇرالدارىنىڭ حابارلاۋىنشا, ەلدٸمەكەن اتىن ٶزگەرتۋدٸ جەنە اۋداندىق ماڭىزى بار قالا قاتارىنا قوسۋدى 2018 جىلى جەرگٸلٸكتٸ باستامشىل توپ ۇسىنعان.
رەسمي دەرەككە ساي, 2019 جىلى ەلدٸمەكەندە 24 مىڭنان استام ادام تۇرادى.
