Qazaqstandyq Zarina Diias Rolan Garros týrniriniń ekinshi ainalymyna shyǵa almady, dep habarlaidy "Ult aqparat".
Dúniejúzilik reitingide 76-orynda turǵan Z.Diias alǵashqy ainalymda álemniń 35-raketkasy, Týnis ókili Ons Jabermen kezdesti. Zarina biyl 27-ge tolatyn bolsa, qarsylasy odan bir jasqa kishi edi.
Birinshi partiiada qazaqstandyq tennisshi 6:4 esebimen basym tústi.
Ekinshi sette esep 4:3 bolǵan mezette týnis tennisshisi breik jasap, sosyn óz geimin ala bildi – 6:3.
Úshinshi, sheshýshi sette O.Jaber breikpen alǵa ketti – 2:1. Taǵy bir breik – 4:1. Aqyry ol matchty taǵy bir breikpen túiindedi – 6:1.
Birshama tartysty ótken báseke 1 saǵat 47 minýtqa sozyldy.
Osylaisha Frantsiia ashyq chempionatyna jekelei synda qatysyp jatqan bes qazaqstandyq tennisshiniń tórteýi alǵashqy ainalymnan sátti ótti. Tek Z.Diias qana jarys jolynan shyǵyp qaldy.
O.Jaber ekinshi ainalymda reitingide 84-satydaǵy japoniialyq Nao Hibinomen kortqa shyǵady. Japoniialyq sportshy reitingide 119-oryndaǵy ýkrainalyq Marta Kostiýkti 6:4, 6:0 esebimen tize búktirdi.
Osynyń aldyndaǵy Rim týrnirinde Z.Diias dál osy N.Hibinodan utylyp qalsa, keiin E.Rybakina sonyń esesin qaiyrǵan edi.
