قازاقستاندىق زارينا ديياس رولان گارروس تۋرنيرٸنٸڭ ەكٸنشٸ اينالىمىنا شىعا المادى, دەپ حابارلايدى "ۇلت اقپارات".
دٷنيەجٷزٸلٸك رەيتينگٸدە 76-ورىندا تۇرعان ز.ديياس العاشقى اينالىمدا ەلەمنٸڭ 35-راكەتكاسى, تۋنيس ٶكٸلٸ ونس جابەرمەن كەزدەستٸ. زارينا بيىل 27-گە تولاتىن بولسا, قارسىلاسى ودان بٸر جاسقا كٸشٸ ەدٸ.
بٸرٸنشٸ پارتييادا قازاقستاندىق تەننيسشٸ 6:4 ەسەبٸمەن باسىم تٷستٸ.
ەكٸنشٸ سەتتە ەسەپ 4:3 بولعان مەزەتتە تۋنيس تەننيسشٸسٸ برەيك جاساپ, سوسىن ٶز گەيمٸن الا بٸلدٸ – 6:3.
ٷشٸنشٸ, شەشۋشٸ سەتتە و.جابەر برەيكپەن العا كەتتٸ – 2:1. تاعى بٸر برەيك – 4:1. اقىرى ول ماتچتى تاعى بٸر برەيكپەن تٷيٸندەدٸ – 6:1.
بٸرشاما تارتىستى ٶتكەن بەسەكە 1 ساعات 47 مينۋتقا سوزىلدى.
وسىلايشا فرانتسييا اشىق چەمپيوناتىنا جەكەلەي سىندا قاتىسىپ جاتقان بەس قازاقستاندىق تەننيسشٸنٸڭ تٶرتەۋٸ العاشقى اينالىمنان سەتتٸ ٶتتٸ. تەك ز.ديياس قانا جارىس جولىنان شىعىپ قالدى.
و.جابەر ەكٸنشٸ اينالىمدا رەيتينگٸدە 84-ساتىداعى جاپونييالىق ناو حيبينومەن كورتقا شىعادى. جاپونييالىق سپورتشى رەيتينگٸدە 119-ورىنداعى ۋكراينالىق مارتا كوستيۋكتٸ 6:4, 6:0 ەسەبٸمەن تٸزە بٷكتٸردٸ.
وسىنىڭ الدىنداعى ريم تۋرنيرٸندە ز.ديياس دەل وسى ن.حيبينودان ۇتىلىپ قالسا, كەيٸن ە.رىباكينا سونىڭ ەسەسٸن قايىرعان ەدٸ.
