Búgin Qazaqstan Respýblikasy Táýelsizdiginiń 30 jyldyǵyn merekeleýge daiyndyq jónindegi memlekettik komissiianyń birinshi otyrysynda Prezident Qasym-Jomart Toqaev el ómirindegi aitýly oqiǵa – Táýelsizdik kúnin merekeleýdiń asa mańyzdy kezeńge sáikes kelip otyrǵandyǵyna basa toqtaldy. Memleket basshysynyń aitýynsha, mereitoilyq data el ómirindegi kezekti meje emes, al bul qorytyndy jasaý, qarapaiym aqiqatty eske alý jáne memleketimizdiń odan ári damý jolyn kórsetý múmkindigi, deidi QR UǴA akademigi, QSZI direktory Zarema Shaýkenova.
«Shynynda da, ótkenge kóz júgirtsek, Táýelsizdik jyldary ishinde Qazaqstan ekonomikalyq ósý, saiasi turaqtylyq pen áleýmettik ál-aýqat jolynda úlken kúsh-jiger kórsetti dep senimmen aitýǵa bolady. Óziniń modernizatsiialaý jolyn ótken ǵasyrdyń sońynda, turlaýsyzdyq pen týrbýlenttilik kezeńinde bastaǵan Qazaqstan Tuńǵysh Prezident – Elbasy N.Á. Nazarbaevtyń basshylyǵymen memlekettiń qazirgi áleýmettik saiasatynyń negizi bolyp tabylatyn ekonomikalyq ósýdiń joǵary kórsetkishterine qol jetkize aldy».
Sondai-aq ǵalymnyń pikirinshe, halyqtyń ál-aýqatyn arttyrý jónindegi dáiekti saiasatty jalǵastyra otyryp, Q.K. Toqaev óz sózinde bolashaq Táýelsiz Qazaqstannyń arhitektýrasyn quraityn eldi odan ári damytýdyń birneshe basym baǵyttaryn atap ótti.
Birinshi kezekte, Qazaqstan halyqty áleýmettik qoldaýdy qamtamasyz etý jónindegi uzaq merzimdi basymdyqtarda qalyptastyrylǵan áleýmettik saiasattyń jańa qaǵidattaryn jetildirý jolymen júretinin atap ótý qajet. Buǵan zeinetaqymen qamsyzdandyrýdyń, áleýmettik kepildikterdi keńeitýdiń, jumys oryndaryn qurýdyń jáne t.b. jańa tásilderin jatqyzýǵa bolady.
Sonymen qatar, Qazaqstannyń odan ári damýynyń negizi – adami kapital bolady, oǵan Q.K. Toqaev «Táýelsizdik qurdastary» Ulttyq jobasyn ázirleýdi jáne jalpy jastar saiasatyn iske asyrý tásilderin qaita qaraýdy jariia ete otyryp, erekshe nazar aýdardy. Jastar Qazaqstannyń búgini men bolashaǵynyń sheshýshi faktory bolyp tabylady, onyń ashyqtyǵy men beiimdelýi ózgerister men jańa jahandyq trendterge daiyn bolýǵa múmkindik beredi.
Memleket basshysy atap ótkendei, ekologiialyq qaǵidaty qazirgi zamanǵy qoǵamnyń mańyzdy postýlatyna ainalady, ol memlekettik saiasattyń bir bóligi ǵana emes, árbir qazaqstandyqtyń kúndelikti ómirine enýi tiis. Táýelsiz Qazaqstannyń jańa traektoriiasy – bul ózine, qorshaǵan ortaǵa jáne týǵan jerdiń bastapqy tabiǵatyna uqypty qaraý. Dál osy ekologiialyq qundylyqtar bolashaq Qazaqstannyń otansúigishtiginiń negizine ainalady.
«Árine, tarihsyz birde-bir memlekettiń, qoǵamnyń bolashaǵy joq. Táýelsizdik jyldarynda halqymyz elimizdiń áleýmettik ál-aýqaty men órkendeýiniń irgetasy retinde birlik pen kelisimdi saqtap, nyǵaitty. Táýelsiz Qazaqstanǵa aparatyn joldyń ózi halqymyzdyń kópǵasyrlyq tarihymen ushtasqan, ol jańa ýaqyt turǵysynan qaita oilastyrý men qaita baǵalaýdy talap etedi. Tiisinshe, Qazaqstan tarihy jónindegi jańa akademiialyq basylym bizdiń elimiz tap bolyp otyrǵan ózekti máseleler men syn-tegeýrinderge sapaly ziiatkerlik jaýap berýge shaqyrady.
Táýelsizdik – bul jańa jahandyq naqty ahýalda progressivti damý jolymen júrýdi óz betinshe tańdaý múmkindigin qamtityn bizdiń basty qundylyǵymyz», dep túiindeidi QSZI direktory.
.jpeg)