Indoneziianyń shyǵysyndaǵy Flores aralynda bolǵan joiqyn jer silkinisinen qaza tapqandar sany 47 adamǵa jetti, dep habarlaidy ult.kz.
Bul týraly eldiń Tabiǵi apattardy basqarý ulttyq agenttigi (BNPB) málimdedi.
Magnitýdasy 7,7 bolatyn jer silkinisi 15 tamyz kúni tańerteń Shyǵys Nýsa-Tenggara provintsiiasynda tirkelgen. Jer silkinisiniń oshaǵy Endeden shamamen 68 shaqyrym jerde ornalasqan.
Qaza tapqandardyń eń kóbi Manggarai aýdanynda — 24 adam, al Shyǵys Manggaraida 17 adam kóz jumǵan. Sondai-aq Sikka, Ngada jáne Ende aýdandarynda da adam ólimi tirkeldi.
Jer silkinisi saldarynan júzdegen ǵimarat qirap nemese zaqymdanyp, úiler, mektepter men meditsinalyq nysandar búlingen. Joldardy kóshkin basyp, qutqarýshylardyń keibir eldi mekenderge jetýine kedergi keltirdi. Myńdaǵan turǵyn qaýipsiz jerge evakýatsiialanǵan.
Zilzalaǵa bailanysty 341 aftershok tirkelgen. Qutqarý jumystary jalǵasyp jatyr, sondyqtan qurbandar sany áli de ósýi múmkin.
