يندونەزييانىڭ شىعىسىنداعى فلورەس ارالىندا بولعان جويقىن جەر سٸلكٸنٸسٸنەن قازا تاپقاندار سانى 47 ادامعا جەتتٸ, دەپ حابارلايدى ult.kz.
بۇل تۋرالى ەلدٸڭ تابيعي اپاتتاردى باسقارۋ ۇلتتىق اگەنتتٸگٸ (BNPB) مەلٸمدەدٸ.
ماگنيتۋداسى 7,7 بولاتىن جەر سٸلكٸنٸسٸ 15 تامىز كٷنٸ تاڭەرتەڭ شىعىس نۋسا-تەنگگارا پروۆينتسيياسىندا تٸركەلگەن. جەر سٸلكٸنٸسٸنٸڭ وشاعى ەندەدەن شامامەن 68 شاقىرىم جەردە ورنالاسقان.
قازا تاپقانداردىڭ ەڭ كٶبٸ مانگگاراي اۋدانىندا — 24 ادام, ال شىعىس مانگگارايدا 17 ادام كٶز جۇمعان. سونداي-اق سيككا, نگادا جەنە ەندە اۋداندارىندا دا ادام ٶلٸمٸ تٸركەلدٸ.
جەر سٸلكٸنٸسٸ سالدارىنان جٷزدەگەن عيمارات قيراپ نەمەسە زاقىمدانىپ, ٷيلەر, مەكتەپتەر مەن مەديتسينالىق نىساندار بٷلٸنگەن. جولداردى كٶشكٸن باسىپ, قۇتقارۋشىلاردىڭ كەيبٸر ەلدٸ مەكەندەرگە جەتۋٸنە كەدەرگٸ كەلتٸردٸ. مىڭداعان تۇرعىن قاۋٸپسٸز جەرگە ەۆاكۋاتسييالانعان.
زٸلزالاعا بايلانىستى 341 افتەرشوك تٸركەلگەن. قۇتقارۋ جۇمىستارى جالعاسىپ جاتىر, سوندىقتان قۇرباندار سانى ەلٸ دە ٶسۋٸ مٷمكٸن.
