Foto: Homsters.kz
Zańsyz úi salǵan azamat ózin órteimin dep depýtat Baqytjan Bazarbekti qorqytty. Bul týraly Ult.kz TikToktaǵy Ulyskz-ke silteme jasap habarlaidy.
"Zańnyń aty zań. Barlyq talaptar buzylǵan. Sáýlet-qurylys zańnamasy bar, jer kodeksi bar. Sen barlyq talaptardy buzyp otyrsyń. Sende jobaǵa talap-aryz joq, smetamen kelisim joq. Baqsha egýge arnalǵan jerge qurylys júrgize almaisyń. Baqsha egýge arnalǵan jerge APZ (sáýlet josparlaý tapsyrmasy) berilmeidi. Baqsha egýge arnalǵan jerge taýnhaýs salýǵa tyiym salynǵan", - dedi Baqytjan Bazarbek.
"Zań buzylsa áńgime qysqa", - dep sózin qaiyrdy depýtat.
Áńgimege qaraǵanda úi iesi jerdiń paidalaný maqsatyn ózgertkisi keledi, biraq sot aryzyn qanaǵattandyrmai, sheshim shyǵaryp qoiǵan.
Depýtatpen áńgime kezinde úidiń iesi: "Ózimdi órtep dáleldeimin be?!" - dep shúilikti de, qasyndaǵy adamdy janarmai alyp kelýge jumsap aiqaiǵa basty.
