QR Memlekettik qyzmet isteri jáne sybailas jemqorlyqqa qarsy is-qimyl agenttiginiń tóraǵasy Alik Shpekbaev zańsyz baiyǵan memlekettik qyzmetshilerge jaýapkershilik engizý jóninde pikir bildirdi, dep habarlaidy QazAqparat tilshisi.
«Qazir zańsyz baiý týraly arnaiy zań qabyldaý máselesi talqylanyp jatyr. Biz usynys engizdik. Jalpy usynys qoldaý tapty, eki ai ishinde barlyq múddeli memlekettik organdarmen, onyń ishinde qoǵamdyq jáne úkimettik emes uiymdarmen ázirlegen usynymdardy engizý qajet», - dedi agenttik tóraǵasy tilshilerge bergen suhbatynda.
Sonymen birge, A. Shpekbaev zańsyz baiyǵandardy anyqtaityn mehanizm týraly áńgimeledi.
«BUU konventsiiasy aiasynda halyqaralyq mehanizm bar, onda barlyq jaǵdai qarastyrylǵan. Biraq, biz búgin qarjylyq jáne mansaptyq sanktsiialar jóninde másele qoiyp otyrmyz. Qylmystyq jaýapkershiliktiń de engizilýi bek múmkin», - dedi ol.
Eske sala ketsek, Alik Shpekbaev zańsyz tabys tapqan memlekettik qyzmetshilerdi jaýapqa tartýdy usynǵan bolatyn.
