Balyq salasyndaǵy ótkir problema – balyq ónimderiniń kóleńkeli ainalymy. Másele jaily Ekologiia, geologiia jáne tabiǵi resýrstar ministri Maǵzum Myrzaǵaliev keńinen aityp berdi, dep habarlaidy QazAqparat.
«Ekonomikada balyq sharýashylyǵy mańyzdy ról atqarady. Byltyr 45 myń tonna balyq aýlandy. Bul 2018 jylǵy deńgeiden 23 paiyzǵa joǵary. Salada 11 myń adam jumys isteidi. Elimizde balyq ósirýmen 180 balyq sharýashylyǵy ainalysady. Onda 1 myńnan astam (1126) adam jumys isteidi. Taýarlyq balyq ósirý kóleminiń ósimi baiqalady. Byltyr 6,9 myń tonna balyq ósirse, bul 2018 jylǵy deńgeiden 19 paiyzǵa joǵary. Osy jylǵa jospar – 7,8 myń tonna», - dedi Maǵzum Myrzaǵaliev búgin Ortalyq kommýnikatsiialar qyzmetinde ótken halyqqa onlain esep berý barysynda.
Ministr ótken jyly balyqty qaita óńdeý nátijesinde jalpy somasy 60 mln AQSh dollary bolatyn 30 myń tonna ónim eksporttalǵanyn, bul 2018 jylǵy deńgeiden 16,6 paiyzǵa artyq ekenin málim etti.
«Balyq salasyndaǵy ótkir problema – balyq ónimderiniń kóleńkeli ainalymy. Ol balyq óndirýdiń ortasha jyldyq kóleminen 5 ese artyq. Balyq ainalymynyń barlyq protsesin tsifrlaý qajet. Balyq sharýashylyǵyn kóleńkeden shyǵarý salyq salý bazasyn 40 mlrd teńgege arttyrady. Kaspii teńiziniń resýrstaryn igerý esebinen otandyq naryq kólemin 66-dan 120 myń tonnaǵa, balyq aýlaý 45-ten 60 myń tonnaǵa, al balyq ósirý 7-den 60 myń tonnaǵa deiin ulǵaitýdyń joǵary áleýeti bar», - dedi ol.
Osyǵan bailanysty qazirgi ýaqytta ministrlik balyq salasyn uzaqmerzimdi damytý úshin investitsiialar tartýǵa jáne jumys oryndaryn qurýǵa yqpal etetin salany sýbsidiialaý boiynsha birqatar zańnamalyq sharalardy pysyqtap jatyr.
