Mototsiklymen jabaiy ańdardy zańsyz aýlap júrgen jambyldyq ustaldy, dep habarlaidy "Ult aqparat".
Jambyl oblysynyń Moiynqum aýdandyq politsiia bóliminiń qyzmetkerleri qum óńirinde jabaiy ańdardy zańsyz aýlap júrgen Moiynqum aýdanynyń turǵynyn ustady.
Kúdiktiniń júrgizýindegi «Ýral» mototsiklin qaraý barysynda onyń arbasynda atylǵan jabaiy qaban, tirkelmegen 16 kalibrli tegis uńǵyly myltyq jáne pyshaq alyndy.
«Atalǵan derek boiynsha Qazaqstan Respýblikasy Qylmystyq kodeksiniń 337-baby 1-bóligi, iaǵni «Zańsyz ań aýlaý» jáne QR Qylmystyq kodeksiniń 287-baby 1-bóligi – «Qarýdy zańsyz alyp júrý» boiynsha sotqa deiingi tergep-tekserý isi júrgizildi. Tergep-tekserý isi boiynsha barlyq qajetti sot-saraptamalary jasalyp, dáleldemeler jinaldy, qylmystyq is aiyptaý aktisimen sotqa joldandy», - delingen oblystyq politsiia departamentiniń baspasóz qyzómetiniń habarlamasynda.
Sot talqylaýynyń qorytyndysymen aiyptalýshy kináli dep tanylyp, 1 jyl 6 aiǵa bas bostandyǵyn shekteý túrindegi jazaǵa tartyldy. Sondai-aq eki jyl merzimge ań aýlaýmen ainalysý quqyǵynan aiyryldy.
