Zańger ári bloger Ádilethan Moldahanǵa halyq 8 mln-nan asa jylý jinap berdi, dep habarlaidy ult.kz.
Buǵan deiin sot aldynda kinásin moiyndaǵan Ádilethan Moldahannyń jary málimdeme jasaǵan edi.
Ol jábirlenýshiniń moraldyq shyǵynyn óteý qiynǵa soǵatynyn aitty.
«Bul jerde tek 1 jábirlenýshi surap tur, taǵy 2 jábirlenýshi bar. Maǵan kóp adamdar jazyp jatyr, sbor ashyńyz dep. Mende basqa amal bolmaityn siiaqty. Meniń joldasym búgin, erteń shyǵaiyn dep jatqan joq», - dep jazdy Baqyt Musabekova.
Aita keteiik, Almaly aýdandyq sotynda «kórineý jalǵan aqparat taratty» dep aiyptalǵan zańger ári bloger Ádilethan Moldahanǵa qatysty sot bastaldy. Ol ózine taǵylǵan aiyppen tolyq kelisti.
Is boiynsha jábirlenýshiler – Almaty qalalyq politsiiasy basshysynyń burynǵy orynbasary Erjan Uzabaev pen ákimshilik politsiia basshysy Serik Shumaev. Uzabaevtyń advokaty aiyptalýshydan 10 mln teńge moraldyq jáne 1 mln teńge sot shyǵynyn óndirýdi talap etip otyr
