Atyraý oblysyndaǵy Jangeldin aýylynda bolǵan otbasy ólimi isi boiynsha basty kúdiktiniń jubaiy qylmysqa qatysy joq dep tanyldy, dep habarlaidy ult.kz Atyraý oblysynyń prokýratýrasyna silteme jasap.
Degenmen Aqbaian Muqanǵalievaǵa «Qylmys týraly habarlamaý» baby boiynsha aiyp taǵylýy múmkin. Túpkilikti protsessýaldyq sheshim tergeý qorytyndysy boiynsha qabyldanady.
Prokýratýra ókilderiniń aitýynsha, qazirgi ýaqytta istiń barlyq mán-jaiyn tolyq anyqtaýǵa baǵyttalǵan tergeý áreketteri jalǵasyp jatyr.
Buǵan deiin Atyraý oblysynyń prokýratýrasy psihologiialyq-psihiatriialyq saraptama qorytyndysy boiynsha Sultan Sársemalievtiń esi durys dep tanylǵanyn habarlaǵan. Kúdiktiniń jubaiy Aqbaian Muqanǵalieva sot sanktsiiasymen statsionarlyq sot-psihologiialyq-psihiatriialyq saraptamadan ótý úshin mamandandyrylǵan meditsinalyq mekemege ornalastyrylǵan.
Onyń aldyndaǵy sotta aiyptalýshy Sultan Sársemaliev kinásin ishinara moiyndady. Ol Naýryz Muqanǵalievti qasaqana óltirgenin joqqa shyǵaryp, muny ózin-ózi qorǵaý kezindegi abaisyzdyq dep túsindirdi. Alaida qalǵan úsh qurbandy ádeii óltirgenin rastady. Sottalýshy Maqsot Qarabalinge – 9, Óteshqalievaǵa – 8, Naýryz Muqanǵalievge – 10, al Meiramgúl Qarabalinaǵa 32 ret pyshaq suqqanyn ashyq aitty.
