اتىراۋ وبلىسىنداعى جانگەلدين اۋىلىندا بولعان وتباسى ٶلٸمٸ ٸسٸ بويىنشا باستى كٷدٸكتٸنٸڭ جۇبايى قىلمىسقا قاتىسى جوق دەپ تانىلدى, دەپ حابارلايدى ult.kz اتىراۋ وبلىسىنىڭ پروكۋراتۋراسىنا سٸلتەمە جاساپ.
دەگەنمەن اقبايان مۇقانعاليەۆاعا «قىلمىس تۋرالى حابارلاماۋ» بابى بويىنشا ايىپ تاعىلۋى مٷمكٸن. تٷپكٸلٸكتٸ پروتسەسسۋالدىق شەشٸم تەرگەۋ قورىتىندىسى بويىنشا قابىلدانادى.
پروكۋراتۋرا ٶكٸلدەرٸنٸڭ ايتۋىنشا, قازٸرگٸ ۋاقىتتا ٸستٸڭ بارلىق مەن-جايىن تولىق انىقتاۋعا باعىتتالعان تەرگەۋ ەرەكەتتەرٸ جالعاسىپ جاتىر.
بۇعان دەيٸن اتىراۋ وبلىسىنىڭ پروكۋراتۋراسى پسيحولوگييالىق-پسيحياترييالىق ساراپتاما قورىتىندىسى بويىنشا سۇلتان سەرسەماليەۆتٸڭ ەسٸ دۇرىس دەپ تانىلعانىن حابارلاعان. كٷدٸكتٸنٸڭ جۇبايى اقبايان مۇقانعاليەۆا سوت سانكتسيياسىمەن ستاتسيونارلىق سوت-پسيحولوگييالىق-پسيحياترييالىق ساراپتامادان ٶتۋ ٷشٸن مامانداندىرىلعان مەديتسينالىق مەكەمەگە ورنالاستىرىلعان.
ونىڭ الدىنداعى سوتتا ايىپتالۋشى سۇلتان سەرسەماليەۆ كٸنەسٸن ٸشٸنارا مويىندادى. ول ناۋرىز مۇقانعاليەۆتٸ قاساقانا ٶلتٸرگەنٸن جوققا شىعارىپ, مۇنى ٶزٸن-ٶزٸ قورعاۋ كەزٸندەگٸ ابايسىزدىق دەپ تٷسٸندٸردٸ. الايدا قالعان ٷش قۇرباندى ەدەيٸ ٶلتٸرگەنٸن راستادى. سوتتالۋشى ماقسوت قارابالينگە – 9, ٶتەشقاليەۆاعا – 8, ناۋرىز مۇقانعاليەۆگە – 10, ال مەيرامگٷل قاراباليناعا 32 رەت پىشاق سۇققانىن اشىق ايتتى.
