Aktrisa Janel Serǵazina ánshi Erkesh Hasenmen qalai tanysyp, otbasy qurǵanyn aityp berdi. Ol ózine taǵylǵan «ózgeniń otbasyn buzdy» degen aiyptaýlarǵa jaýap berdi, dep habarlaidy ult.kz.
«Momskii áńgime» baǵdarlamasyna bergen suhbatynda aktrisa Erkesh Hasenmen tanysqan kezde onyń ózin ajyrasqan, basy bos adam retinde tanystyrǵanyn aitty. Sondai-aq ánshiniń týystarymen kezdesip, bul aqparattyń ras ekenine kóz jetkizgenin jetkizdi.
«Ol maǵan ajyrasqanyn aitty. Týystarymen tanystyrdy, olar da osyny rastady. Bir-birimizdi jaqsy kórgen soń otbasyn qurýǵa sheshim qabyldadyq. Sondyqtan meni bireýdiń otbasyn buzdy dep aiyptaý shyndyqqa janaspaidy», – dedi aktrisa.
Janel Serǵazina jeke ómirine qatysty taraǵan qaýesetterdi joqqa shyǵaryp, bóten adamdardyń otbasy máselesine aralasýyn orynsyz áreket dep baǵalady.
Eske salsaq, Erkesh Hasen men Janel Serǵazina 2024 jyly shańyraq kótergen. Qazirgi tańda jup Ińkár esimdi qyzdaryn tárbielep otyr.
