Almatyda áleýmettik osal toptarǵa arnalǵan jańa biznes-ideialardy qoldaýǵa baǵyttalǵan memlekettik granttarǵa ótinim qabyldaý bastalady. Bul týraly Almaty qalasynyń Eńbek mobildiligi ortalyǵy direktorynyń orynbasary Ádilet Janabaev málimdedi, dep habarlaidy ult.kz.
Onyń aitýynsha, ótinimder 2026 jylǵy 24 maýsym men 8 shilde aralyǵynda Business.enbek.kz portalynda qabyldanady. Memlekettik grant – qaitarymsyz qarjylai qoldaý, onyń mólsheri 400 ailyq eseptik kórsetkishke, iaǵni shamamen 1 mln 730 myń teńgege teń.
Baǵdarlamaǵa jumyssyz azamattar men tirkelgenine bir jyldan aspaǵan jeke kásipkerler qatysa alady. Sondai-aq úmitkerler belgili bir áleýmettik sanattarǵa jatýy tiis. Olardyń qatarynda múmkindigi shekteýli azamattar, qandastar, kópbalaly otbasylar, ataýly áleýmettik kómek alýshylar jáne ózge de áleýmettik toptar bar.
Grantqa úmitkerlerdiń mindetti talaptarynyń biri – «Bastaý Biznes» jobasy boiynsha kásipkerlik negizderin oqyp, Skills.enbek.kz platformasynan sertifikat alý. Oqý kýrsy 14 kúnge sozylady, al sertifikattyń jaramdylyq merzimi – úsh jyl.
Jańa erejege sáikes, grant alǵan azamattar 18 ai ishinde keminde bir jumys ornyn ashyp, tirkelgen jumyssyz azamatty jumysqa ornalastyrýǵa mindetti.
Grant qarajaty qural-jabdyq, tehnologiialyq jabdyq, tuqym, kóshet jáne kásipkerlikke qajetti ózge de zattardy satyp alýǵa jumsalýy múmkin. Al nesie jabý, turǵyn úi satyp alý nemese jeke tutynýshylyq shyǵyndarǵa bul qarajatty paidalanýǵa tyiym salynǵan.
Biyl Almatyda birinshi kezeńde 190 grant beriledi, jalpy jyl ishinde 380 grant bólý josparlanǵan.
