QR Bilim jáne ǵylym ministri Ashat Aimaǵambetov anasy kiimsiz qýyp shyqqan 8 jasar qyz oqiǵasyna pikir bildirdi, dep habarlaidy QazAqparat.
«Biz bul oqiǵany estidik, onda arnaiy top jiberildi. Qamqorlyq organdary men iývenaldy politsiia sonda baryp, tiisti jumystardy júrgizýde. Árine, bul oqiǵaǵa sóz qurap aitýdyń ózi qiyn. Qyz bala dalada kiimsiz otyr, ainala toly qar. Shyn máninde, bul qyzdyń jaǵdaiy aqylǵa qonbaidy... Bireýler bala súiýdi armandap júrse, kei jerde, ókinishke orai, osyndai sumdyq jaǵdailar bolady», - dep jaýap berdi Bilim ministri Ortalyq kommýnikatsiialar qyzmetinde tilshi suraǵyna.
Ministrdiń aitýynsha, memleket bul jaǵdaida óte jyldam áreket etýi kerek.
«Sondyqtan qamqorlyq organdary habardy estisimen oqiǵa ornyna shyǵyp, tiisti jumystardy júrgizip jatyr. Ázirge bir nárse týraly aitýǵa erte, ne bolǵanyn, jaǵdai qandai bolǵanyn, sebepterin anyqtaý kerek. Árine, bul oqiǵaǵa eshqandai sebepti aitý múmkin emes. Shyndyqqa qanshalyqty sai keletinin, barlyǵyn kóremiz. Zań aiasynda eń qatań sharalar qabyldanady», - dedi Ashat Aimaǵambetov.
Aita keteiik, elordada 8 jastaǵy qyzyn qystyń sýyǵynda dalaǵa qýyp jibergen 35 jastaǵy áieldiń isi qaralyp jatyr. Politsiia qyzmetkerleri osy oqiǵaǵa qatysty 35 jastaǵy áielden jaýap alǵan. Ol osyndai amalmen kórshilerdiń kir qystyrǵyshyn ruqsatsyz alyp, oinaǵan balalaryn jazalaǵanyn aitqan.
