Jambyl oblysynda 15 tamyzda bolǵan jol apatyn jasaǵan burynǵy Májilis depýtaty Baqytjan Bazarbek zardap shekken 36 jastaǵy azamattyń otbasymen birge videoúndeý jasady, dep habarlaidy ult.kz.
Ol emdelýge kómektesetinin aityp, rastalmaǵan aqparat taratpaýǵa shaqyrdy.
Apat Turar Rysqulov aýdanyndaǵy «Batys Eýropa – Batys Qytai» trassasynda bolǵan. Toyota kóligi jolda turǵan er adamdy qaǵyp ketken. Politsiia qylmystyq is qozǵaǵan.
Zardap shekken azamattyń jaǵdaiy bastapqyda óte aýyr dep baǵalanǵan, qazir turaqtanǵan. Bazarbek otbasynyń janynda ekenin jáne qajet bolsa Astana men Almatydaǵy klinikalarda emdelýge kómektesýge daiyn ekenin aitty. Ol videoda tergeý aiaqtalmai turyp qorytyndy jasamaýǵa úndedi.
Eske salaiyq, Májilistiń burynǵy depýtaty Baqytjan Bazarbek Jambyl oblysynda bolǵan jol apatyna qatysty alǵash ret pikir bildirgen.
