Jambyl oblysynda politseiler 24 keliden astam marihýananyń zańsyz ainalymyna jol bermei, esirtki saqtady degen kúdikpen 60 jastaǵy turǵyndy ustady, dep habarlaidy ult.kz.
Polisia.kz málimetánshe, operatsiia «Qarasora – 2026» respýblikalyq jedel-profilaktikalyq is-sharasy aiasynda ótkizildi. Is-sharaǵa Jambyl oblysy politsiia departamentiniń esirtki qylmysyna qarsy is-qimyl basqarmasynyń qyzmetkerleri men Ulttyq ulannyń №6506 áskeri bóliminiń «Búrkit» arnaiy maqsattaǵy jasaǵy qatysty.
Shý aýdanyna qarasty Tasótkel aýyly mańyndaǵy qumdy alqapta politseiler 60 jastaǵy jergilikti turǵyndy qolǵa túsirdi. Oqiǵa ornyn qaraý barysynda oraq, qolǵap jáne ózine tán iisi bar jasyl tústi ósimdik tektes zat salynǵan tórt qaptama tárkilendi.
Saraptama qorytyndysy boiynsha tárkilengen zattyń jalpy salmaǵy 24 keliden asatyn marihýana ekeni anyqtaldy.
Tergeý barysynda kúdiktiniń jabaiy ósetin qarasorany zańsyz jinap, keptirip, keiin satýdy josparlaǵany belgili bolǵan.
Atalǵan derek boiynsha sotqa deiingi tergep-tekserý bastaldy. Sot sanktsiiasymen kúdiktige qatysty kúzetpen ustaý túrindegi bultartpaý sharasy qoldanyldy.
