Qazaqstan Respýblikasynyń
Tuńǵysh Prezidenti,
Elbasy N.Á.Nazarbaevqa
Asa mártebeli Nursultan Ábishuly!
Biz, Qazaqstannyń bir top shyǵarmashyl jastary Sizdiń «Bolashaqqa baǵdar: rýhani jańǵyrý» atty joldaýyńyzdyń maqsattary men ustanymdaryna qoldaý bildiremiz.
Búgingi jastar arasynda salaýatty ómir salty men bilimdi bolý úlgige ainalyp, olar jańa kásip igerip, aǵylshyn tilin meńgerýge bar kúsh-jigerin jumsap júr. Álemdik ekonomikalyq, ǵylymi keńistikke enýimizdiń alǵysharty álipbiimizdiń latyn qarpine aýysý bolǵandyqtan, biz Siz bastaǵan latyndandyrý jobasyn qoldaimyz.
Siz belgilegen «Týǵan jer», «Qazaqstannyń kieli jerleriniń geografiiasy», «Qazaqstannyń qasietti rýhani qúndylyqtary» «Mádeni-geografiialyq beldeý» baǵdarlamalary arqyly árbir jas azamat óńirlerdegi tarihi, mádeni, rýhani oryndardy aralaý arqyly ulttyq tanymy keńeiedi jáne ulttyq qundylyqtaryn maqtan ete alady. Bul – otandyq brendtiń qalyptasýyna úlken úles qosatyn joba dep oilaimyz.
Siz mejelegen XXI ǵasyrdyń álemdik kartasynda eshkimge uqsamaityn, derbes orny bar ult bolýymyz úshin «Jahandaǵy zamanaýi qazaqstandyq mádeniet» jobasyna da qoldaý bildiremiz, ári sol maqsat jolynda aianbai eńbek etemiz. Joǵaryda atalǵan jobalardyń rýhani, aqparattyq-tanymdyq aspektisi gýmanitarlyq ǵylymdarǵa arqa súieitini málim. Sony eskerip, Siz «Jańa gýmanitarlyq bilim. Qazaq tilindegi 100 jańa oqýlyq» atty jobasyn qurdyńyz. «Álemdegi úzdik 100 oqýlyqtyń» qazaq tilinde shyǵýy, jastardyń jańa zaman talabyna sai ikemdelýine yqpal etedi. «Sanamyzdy ózgertpei, sapamyzdy arttyra almaimyz» degen sózińiz, bizder taban tirer qaǵidaly túsinik bolady.
Olai bolsa, Sizdiń syndarly saiasatyńyzǵa árqashan qoldaý bildirip, Qazaq eliniń jalyndy jastaryna artqan senimińizdi aqtaýǵa ýáde beremiz.
Qazaqsttanyń bir top shyǵarmashyl jastary:
Amanjol Áltaev, aitysker;
Altynai Nógerbek, teatr jáne kino ártisi;
Ádil Ahmetov, teatr jáne kino ártisi;
Dimash Qudaibergenov, ánshi;
Janar Duǵalova, ánshi:
Aigerim Beketaeva, balet solisi;
Erlan Rysqali, dástúrli ánshi;
Aibek Bekbosyn; kúishi;
Aidos Esmaǵambetov, músinshi;
Saltanat Ahmetova, opera solisi.
Ult bolashaǵyna degen úlken janashyrlyq
Sizdiń Respýblikamyzdyń ekonomikasyn, bilimi men ǵylymyn, mádenieti men ónerin órkendetý jolyndaǵy eseli eńbegińiz búkil dúniejúzine jaqsy málim! Elimizde ónerdiń barlyq salalaryn damytýdyń Memlekettik baǵdarlamalaryn damytýǵa negiz bolatyn innovatsiialyq jobalaryńyz, teoriia men tájiribeni ózara sabaqtastyrý, oqý júiesin jetildirý arqyly qazaqstandyq Bilim men ǵylymnyń, mádeniet pen ónerdiń sapasyn álemdik deńgeige kóterýge sińirgen súbeli tabysyńyz barshamyzǵa úlgi.
Ózińizdiń «Bolashaqqa baǵdar: Rýhani jańǵyrý» dep atalatyn makalańyzda birtutas ult bolý úshin jańa turpatty jańǵyrýdyń eń basty sharttaryn erekshe aiqyndap berdińiz. Sonymen qatar, «Jahandaǵy zamanaýi qazaqstandyq mádeniet» jobasyn júzege asyrýdyń qajettigi týraly naqty maqsattar men mindetterdi tujyrymdadyńyz. Álem jurtshylyǵyna mádeni qazynalarymyzdy tanystyrýdyń jańa tásilderin oilastyrý qajettigin tapsyrdyńyz. Qazaqstandy álemniń damyǵan elderiniń qataryna jeteleitin Sizdiń «Máńgilik el» ulttyq ideiańyzdy júzege asyrýdaǵy eleýli qadamdardyń biri – mádenietpen tyǵyz bailanysty ekendigine basa kóńil bólýińiz, ult bolashaǵyna degen úlken janashyrlyǵyńyzdyń jarqyn dáleli bolyp otyr.
Biz Temirbek Júrgenov atyndaǵy Qazaq últtyq óner akademiiasynyń ujymy Siz kórsetip bergen sara jolmen tól mádenietimizdi álemniń barlyq qurlyqtaryna tanystyrý isine belsene aralasatynymyzdy málimdeimiz. Óner salasy boiynsha aldynǵy qatarly ulttyq bilim berý júiesin damyta otyryp, álemdik deńgeidegi básekege qabiletti mamandar shyǵarý isin budan ári kúsheite beretinimiz sózsiz. Sizdei Ult Kóshbasshysymen birge Qazaqstannyń óneri men mádenietiniń gúldenýine aianbai eńbek etemiz.
Asa qurmetti Nursultan Ábishuly!
Siz el basqarý qyzmetindegi saiasi-diplomatiialyq ustanymdaryńyzdy, júieli baǵdarlamalaryńyz ben iskerlik tájiribeńizdi qazaq ultynyń bolashaǵyna arnap, Qazaqstan Respýblikasynyń álemdik deńgeide kórinýine zor úles qosýdasyz. Qashanda halqyńyzdyń qalaýlysy, elińizdiń eleýlisi bolyp el mártebesin asqaqtatý jolynda alda koiǵan maqsattaryńyzdyń júzege asýyna niettestik bildiremiz! Sizge zor densaýlyq, baiandy baqyt, eńbegińizge jemis tileimiz!
Izgi nietpen, T.Júrgenov atyndaǵy Qazaq ulttyq óner akademiiasynyń ujymy
