Pavlodar oblysynda mas kúide kólik júrgizip, jol apatyna sebepker bolǵan áielge qatysty sot sheshimi qaita qaraldy, dep habarlaidy ult.kz.
Oblystyq prokýratýranyń málimetinshe, Aqsý qalasynyń turǵyny júrgizýshi kýáliginsiz kólik tizgindep, alkogoldik ishimdik ishken kúide jol-kólik oqiǵasyn jasaǵan.
Is sotta qaralǵan kezde áiel júktiligi týraly anyqtama usynyp, sonyń negizinde oǵan taǵaiyndalýy tiis ákimshilik qamaý jazasy aiyppulmen almastyrylǵan.
Alaida prokýratýra júrgizgen tekserý barysynda usynylǵan meditsinalyq qujattyń jalǵan ekeni anyqtaldy. Osyǵan bailanysty Qylmystyq kodekstiń 416-baby («Dáleldemelerdi jáne jedel-izdestirý, qarsy barlaý materialdaryn burmalaý») boiynsha sotqa deiingi tergep-tekserý bastaldy. Sonymen qatar politsiia qyzmetkerlerine qatysty da jeke tergeý júrgizilip jatyr.
Prokýratýra apelliatsiialyq ótinishhat engizip, aiyppuldy ákimshilik qamaýǵa aýystyrýdy surady.
Nátijesinde oblystyq sottyń apelliatsiialyq alqasy burynǵy sheshimdi ózgertip, áieldi 20 táýlikke ákimshilik qamaýǵa alý týraly qaýly shyǵardy.
