پاۆلودار وبلىسىندا ماس كٷيدە كٶلٸك جٷرگٸزٸپ, جول اپاتىنا سەبەپكەر بولعان ەيەلگە قاتىستى سوت شەشٸمٸ قايتا قارالدى, دەپ حابارلايدى ult.kz.
وبلىستىق پروكۋراتۋرانىڭ مەلٸمەتٸنشە, اقسۋ قالاسىنىڭ تۇرعىنى جٷرگٸزۋشٸ كۋەلٸگٸنسٸز كٶلٸك تٸزگٸندەپ, الكوگولدٸك ٸشٸمدٸك ٸشكەن كٷيدە جول-كٶلٸك وقيعاسىن جاساعان.
ٸس سوتتا قارالعان كەزدە ەيەل جٷكتٸلٸگٸ تۋرالى انىقتاما ۇسىنىپ, سونىڭ نەگٸزٸندە وعان تاعايىندالۋى تيٸس ەكٸمشٸلٸك قاماۋ جازاسى ايىپپۇلمەن الماستىرىلعان.
الايدا پروكۋراتۋرا جٷرگٸزگەن تەكسەرۋ بارىسىندا ۇسىنىلعان مەديتسينالىق قۇجاتتىڭ جالعان ەكەنٸ انىقتالدى. وسىعان بايلانىستى قىلمىستىق كودەكستٸڭ 416-بابى («دەلەلدەمەلەردٸ جەنە جەدەل-ٸزدەستٸرۋ, قارسى بارلاۋ ماتەريالدارىن بۇرمالاۋ») بويىنشا سوتقا دەيٸنگٸ تەرگەپ-تەكسەرۋ باستالدى. سونىمەن قاتار پوليتسييا قىزمەتكەرلەرٸنە قاتىستى دا جەكە تەرگەۋ جٷرگٸزٸلٸپ جاتىر.
پروكۋراتۋرا اپەللياتسييالىق ٶتٸنٸشحات ەنگٸزٸپ, ايىپپۇلدى ەكٸمشٸلٸك قاماۋعا اۋىستىرۋدى سۇرادى.
نەتيجەسٸندە وبلىستىق سوتتىڭ اپەللياتسييالىق القاسى بۇرىنعى شەشٸمدٸ ٶزگەرتٸپ, ەيەلدٸ 20 تەۋلٸككە ەكٸمشٸلٸك قاماۋعا الۋ تۋرالى قاۋلى شىعاردى.
