Astanada azamattardy qajylyqqa aparamyz dep aldap, 60 mln teńgege jýyq aqsha jinaǵan eki adam sottaldy, dep habarlaidy ult.kz.
Astana qalasynyń prokýratýrasy málimetinshe, qala turǵyndary aldyn ala sóz bailasý arqyly Instagram áleýmettik jelisinde Saýd Arabiiasynyń Mekke jáne Mádina qalalaryna qajylyq saparyn uiymdastyrý týraly jarnama jariialaǵan.
Olardyń ýádesine sengen 37 azamat qajylyqqa barý úshin jalpy somasy 60 mln teńge qarajat tapsyrǵan. Alaida kúdiktiler alǵan mindettemelerin oryndamai, jinalǵan aqshany óz qajetterine jumsaǵan.
Sot úkimimen eki azamattyń árqaisysyna 4 jyl bas bostandyǵynan aiyrý jazasy taǵaiyndaldy.
Sonymen qatar jábirlenýshilerdiń materialdyq zalaldy óteý týraly azamattyq talaptary tolyq qanaǵattandyryldy.
Sot úkimi ázirge zańdy kúshine engen joq.
