Aqmola oblysynda fermer mal sharýashylyǵyn damytýǵa arnalǵan memlekettik sýbsidiiany zańsyz alǵan. Memleketke keltirilgen zalal 50 mln teńgeden asqan. Bul derek boiynsha Qarjylyq monitoring agenttigi tergeý júrgizip jatyr, dep habarlaidy ult.kz.
Tergeý málimetinshe, «Medina» aýyl sharýashylyǵy óndiristik kooperativiniń direktory men Shortandy aýdandyq veterinariialyq stantsiiasynyń basshysy aqparattyq júiege iri qara mal sany týraly jalǵan málimet engizgen. Osy arqyly memlekettik sýbsidiiany zańsyz alýdy uiymdastyrǵan.
Atap aitqanda, 57 asyl tuqymdy buqa bar degen jalǵan aqparat negizinde biýdjetten 9 mln teńge bólingen. Keiin osy málimetterge súienip, is júzinde júrgizilmegen selektsiialyq jumystarǵa taǵy 17 mln teńge aýdarylǵan.
Budan bólek, tórt ótinimde analyq mal sany 3 myń basqa artyq kórsetilgen. Sonyń nátijesinde taǵy 27 mln teńge sýbsidiia negizsiz alynǵan.
Osylaisha, memleketke keltirilgen jalpy zalal 50 mln teńgeden asqan.
Kooperativ direktoryna qatysty úiqamaq túrindegi bultartpaý sharasy qoldanyldy.
Tergeý jalǵasyp jatyr.
