اقمولا وبلىسىندا فەرمەر مال شارۋاشىلىعىن دامىتۋعا ارنالعان مەملەكەتتٸك سۋبسيدييانى زاڭسىز العان. مەملەكەتكە كەلتٸرٸلگەن زالال 50 ملن تەڭگەدەن اسقان. بۇل دەرەك بويىنشا قارجىلىق مونيتورينگ اگەنتتٸگٸ تەرگەۋ جٷرگٸزٸپ جاتىر, دەپ حابارلايدى ult.kz.
تەرگەۋ مەلٸمەتٸنشە, «مەدينا» اۋىل شارۋاشىلىعى ٶندٸرٸستٸك كووپەراتيۆٸنٸڭ ديرەكتورى مەن شورتاندى اۋداندىق ۆەتەرينارييالىق ستانتسيياسىنىڭ باسشىسى اقپاراتتىق جٷيەگە ٸرٸ قارا مال سانى تۋرالى جالعان مەلٸمەت ەنگٸزگەن. وسى ارقىلى مەملەكەتتٸك سۋبسيدييانى زاڭسىز الۋدى ۇيىمداستىرعان.
اتاپ ايتقاندا, 57 اسىل تۇقىمدى بۇقا بار دەگەن جالعان اقپارات نەگٸزٸندە بيۋدجەتتەن 9 ملن تەڭگە بٶلٸنگەن. كەيٸن وسى مەلٸمەتتەرگە سٷيەنٸپ, ٸس جٷزٸندە جٷرگٸزٸلمەگەن سەلەكتسييالىق جۇمىستارعا تاعى 17 ملن تەڭگە اۋدارىلعان.
بۇدان بٶلەك, تٶرت ٶتٸنٸمدە انالىق مال سانى 3 مىڭ باسقا ارتىق كٶرسەتٸلگەن. سونىڭ نەتيجەسٸندە تاعى 27 ملن تەڭگە سۋبسيدييا نەگٸزسٸز الىنعان.
وسىلايشا, مەملەكەتكە كەلتٸرٸلگەن جالپى زالال 50 ملن تەڭگەدەن اسقان.
كووپەراتيۆ ديرەكتورىنا قاتىستى ٷيقاماق تٷرٸندەگٸ بۇلتارتپاۋ شاراسى قولدانىلدى.
تەرگەۋ جالعاسىپ جاتىر.
