Orta salmaqta IBF jáne IBO tujyrymdary boiynsha álem chempiony atanǵan Gennadii Golovkin (39-1-1, 35 KO) ýkrainalyq Sergei Derevianchenkoǵa (13-1, 10 KO) qarsy jekpe-jek týraly aitty , dep habarlaidy Sputnik Qazaqstan.
Niý-Iorktegi (AQSh) Madison Square Garden arenasynda ótken jekpe-jekte Gennadii Golovkin tóreshiler sheshimimen ýkrainalyq boksshyny jeńip, IBF jáne IBO tujyrymdary boiynsha álem chempiony atandy. Jekpe-jekten soń, qazaqstandyq boksshy jeńiske qalai jetkenin túsindirdi. Alaida Golovkin qolyna mikrofondy alǵan sátte zal shýlap ketti. Soǵan qaramastan orta salmaqtaǵy álem chempiony sózin jalǵastyrdy. Ol kezdesýdiń oidaǵydai ótpegenin moiyndady.
"Men qarsylasyma sheksiz alǵysymdy bildiremin. Onyń komandasy myqty. Meniń nazarym tek boksta boldy. Birinshi raýndtan soń, bul kezdesýdiń qiyn bolatynyn túsindim. Búgin men úshin sátti kún bolmaǵanyn sezip turmyn. Fokýsymdy joǵaltyp aldym. Ol batyldyq tanytty", - dedi qazaqstandyq boksshy.
Golovkin ýkrainalyq Sergei Derevianchenkomen qaita judyryqtasýǵa daiyn ekenin jetkizdi.
"Men oǵan jekpe-jekti qaita ótkizý múmkindigin berýge daiynmyn ba? Árine, eger bul DAZN jáne jankúierler úshin mańyzdy kezdesý bolsa. Sergeige jáne onyń komandasyna alǵysymdy bildiremin", - dedi ol.
Sondai-aq, qazaqstandyq boksshy meksikalyq Saýl "Kanelo" Alvarespen (51-2-1,35 KO) jekpe-jekke daiyn ekenin atap ótti.
"Kanelomen" jekpe-jek? Men barlyǵyna daiynmyn. Myqty chempiondar kóp. 37 jasymda da barymdy salyp eńbektenip, jinaqy bolýym kerek", - dedi Golovkin.
Aita keteiik, 2018 jyly Gennadii Golovkin Las-Vegas qalasynda ótken boks keshinde meksikalyq Saýl "Kanelo" Alvaresten tóreshilerdiń sheshimimen alǵash ret jeńilgen edi. Otandasymyz WBA Super, WBC jáne IBO tujyrymdary boiynsha chempiondyq belbeýlerinen aiyryldy.
