Belgili kásipker Muhtar Jákishevtiń qyzy Altynai Jákisheva otbasyn qurdy. Keshe Almatyda ulan asyr toi ótti, dep habarlaidy ult.kz.
Qazaqstandyq kásipker, «Qazatomónerkásiptiń» burynǵy basshysy Muhtar Jákishevtiń qudaǵiy bylai dep jazba qaldyrdy:
«Kúieý jigittiń kýágeri ári aǵasy Andres Obi Karl men Altynaidyń Almatydaǵy toiynda ortaǵa shaqyrylyp, jeke investitsiialar salasynan bólek óneri bar ekenin kórsetti.
Almatyda ne bolsa, sonyń bári Instagram-da jariialanady ǵoi.
P.S. Onyń nigeriialyq dástúrli agbada kiiminiń syrtynan qazaqstandyq shapan kigeni qatty unady», - dep jazdy ol.
Aita keteiik, Altynai Jákisheva 1999 jyly dúniege kelgen. Ol – modeldik indýstriiada tabysty eńbek etip júrgen qazaqstandyq arýlardyń biri. Qazirgi ýaqytta Ulybritaniianyń astanasy Londonda turyp, halyqaralyq sán áleminde óz ornyn qalyptastyryp keledi.
Altynai álemdik deńgeidegi sán kórsetilimderine turaqty qatysyp, birqatar tanymal brendtermen jumys istegen. Onyń portfoliosynda Chopard, Jimmy Choo, Adidas sekildi halyqaralyq kompaniialarmen júzege asqan jobalar bar. Jas modeldiń mansaby qarqyndy damyp, sán indýstriiasyndaǵy bedeli artyp keledi.
