Shyǵys Qazaqstan oblysyndaǵy Zaisan kólinen 8 kún boiy izdestirilgen eki balyqshynyń denesi tabyldy, dep habarlaidy ult.kz.
Tótenshe jaǵdailar ministrliginiń málimetinshe, izdeý jumystarynyń alǵashqy kúninde jaǵadan 3-4 shaqyrym qashyqtyqtan sýǵa batqan qaiyq anyqtalǵan.
29 qyrkúiekte jergilikti turǵyndar 25 jastaǵy jigittiń denesin tapqan. Al 30 qyrkúiekte qutqarýshylar 47 jastaǵy balyqshynyń denesin sýdan shyǵardy.
Izdeý jumystary kezinde súńgýirler sýǵa 63 ret túsken.
Qaza tapqan eki adamnyń bir-birine qandai qatysy bar ekeni naqtylanbady.
14 sarbaz Kaspiide qaza tapty
Kaspii teńizinde áskeri oqý-jattyǵý kezinde 17 áskeri qyzmetshi ashyq teńizge aǵyp ketken. Qaiǵyly oqiǵa 24 qyrkúiekte Mańǵystaý oblysynda oqý-jaýyngerlik tapsyrmany oryndaý barysynda bolǵan.
Qorǵanys ministrliginiń málimetinshe, aýa raiy kúrt nasharlap, jeldiń kúsheiýinen áskeri qyzmetshilerdi teńiz aǵyzyp áketken. Úsheýi qutqarylǵanymen, 14 áskeri qyzmetshi qaza tapty.
Qaza bolǵandardyń arasynda merzimdi áskeri qyzmetshiler de, kelisimshart boiynsha qyzmet atqaratyn áskeri qyzmetshiler de bolǵan.
Izdestirý-qutqarý jumystary birneshe kúnge sozyldy. 25 qyrkúiekte buǵan deiin habar-osharsyz ketken serjant Mansur Gýmarov pen matros Miras Turdybekulynyń deneleri tabylyp, izdeý operatsiiasy aiaqtaldy.
Oqiǵadan keiin Qazaqstanda 25 qyrkúiek jalpyulttyq aza tutý kúni bolyp jariialandy. Qaza bolǵan áskeri qyzmetshilerdiń otbasylaryna materialdyq jáne psihologiialyq kómek kórsetiletini aityldy.
Qaiǵyly jaǵdaiǵa bailanysty Úkimettik komissiia qurylyp, oqiǵanyń mán-jaiyn anyqtaý bastaldy. Ishki ister organdary Qylmystyq kodekstiń 453-babynyń 2-bóligi («Aýyr zardaptarǵa ákep soqqan qyzmetke salǵyrt qaraý») jáne 465-baby («Keme júrgizý qaǵidalaryn buzý») boiynsha qylmystyq is qozǵaǵan.
