Zagrebte kórnekti qoǵam qairatkerleri, Horvatiia Bilim jáne ǵylym ministrliginiń, Horvat-kazaq dostyq qoǵamy, diplomatiialyq korpýs jáne jýrnalisterdiń qatysýymen Qazaqstan táýelsizdiginiń 30 jyldyǵyna jáne elorda kúnine arnalǵan dóńgelek ústel ótti.
Bul týraly QR Syrtqy ister ministrliginiń baspasóz qyzmeti habarlady.
Elshi Tólejan Barlybaev Qazaqstannyń sońǵy úsh onjyldyqtaǵy memlekettik qurylystaǵy tarihi serpilisiniń, ártaraptandyrylǵan naryqtyq ekonomikany qurýdyń, qoǵamdyq kelisim men ulttyq birliktiń erekshe úlgisi qalyptasýynyń basty kezeńderin atap ótti.
Tuńǵysh Prezident – Elbasy Nursultan Nazarbaevtyń zamanaýi Qazaqstandy qurýǵa qosqan eleýli úlesi, sondai-aq memlekettik reformalardy ilgeriletý jáne áleýmettik tártipti jańartý jónindegi Qazaqstan Respýblikasy kóshbasshylyǵy baǵytynyń sabaqtastyǵy atap ótildi.
Horvatiianyń eks-prezidenti, kórnekti qoǵam qairatkeri Ivo Iosipovich óziniń Qazaqstanǵa saparlary týraly jyly lebizderimen bólisti. Ol táýelsizdiktiń tańyndaǵy eń mańyzdy strategiialyq qadam – Nursultan Nazarbaevtyń Semei iadrolyq synaq poligonyn jabý jáne óz erkimen iadrolyq qarýdan bas tartý týraly sheshimi ekenin aitty.
Onyń sózinshe, bul Qazaqstannyń halyqaralyq bedeliniń ósýin jáne kópjaqty diplomatiia ortalyǵy men bedeldi dialog alańy retindegi róliniń kúsheiýin qamtamasyz etti, onyń astanasynda EQYU, IYU, ShYU, AÓSShK jáne basqa da halyqaralyq uiymdardyń sammitteri, Siriiadaǵy qaqtyǵysty retteý boiynsha halyqaralyq kelissózder, álemdik jáne dástúrli dinder liderleriniń sezderi jáne basqa da forýmdar sátti ótkizildi.
Horvatiia–Qazaqstan dostyq qoǵamynyń tóraǵasy Andriia Karafilipipovich Qazaqstan basshylyǵynyń «Halyq únine qulaq asatyn memleket» tujyrymdamasyn jáne áleýmettik-baǵdarly saiasatty damytý baǵytyna oń baǵa berdi. Prezident Qasym-Jomart Toqaevtyń adam quqyqtaryn qorǵaý jáne nyǵaitý salasyndaǵy jańashyldyqtary Qazaqstandy gýmanitarlyq ólshem boiynsha óńirlik kóshbasshy etetini basa aityldy. Sondai-aq Qazaqstannyń etnosaralyq jáne konfessiiaaralyq kelisimdi nyǵaitý salasyndaǵy tabysty tájiribesi erekshe atap ótildi.
Dóńgelek ústel barysynda Resei men Ázerbaijan elshileri, Horvatiia Bilim jáne ǵylym ministrliginiń ókilderi, Dostyq qoǵamynyń músheleri sóz sóiledi. Dóńgelek ústelge qatysýshylar Qazaqstannyń jas astanasynyń qurylys tarihy týraly fotokórmemen tanysty, sonymen qatar olarǵa horvat tilinde basylyp shyqqan Nursultan Nazarbaevtyń «Táýelsizdik dáýiri» kitaby, Abaidyń shyǵarmalary men Horvat tilinde shyqqan ál-Farabidiń qyzmeti týraly monografiia syiǵa tartyldy.
