Almatydaǵy «Iýjnyi» saiabaǵy qala menshigine qaitarylady. Megapolis ákimi Baqytjan Saǵyntaev memleket muqtajy úshin jer ýchaskelerin alyp qoiýǵa bailanysty jer ýchaskelerin nemese ózge de jyljymaityn múlikti májbúrlep ielikten shyǵarýdyń bastalýy týraly qaýlyǵa qol qoidy, dep habarlaidy "Ult aqparat".
Osyǵan bailanysty Almaty qalasynyń jer qatynastary basqarmasyna zańnamada belgilengen tártippen menshik ielerine habarlaý jáne jer ýchaskeleriniń ielerine ótemaqy tóleýdi qamtamasyz etý tapsyryldy.
"Memleket muqtajy úshin jer ýchaskelerin alyp qoiýǵa bailanysty jer ýchaskelerin nemese basqa jyljymaityn múlikti májbúrlep ielikten shyǵarý jónindegi is-sharalar aiaqtalǵannan keiin, jer ýchaskeleri Almaty qalasy boiynsha memlekettik aktivter basqarmasynyń balansyna ótsin. Osy qaýlynyń oryndalýyn baqylaý Almaty qalasy ákiminiń orynbasary M.B.Ázirbaevqa júktelsin", - delingen qaýlyda.
