Iýrii Polskii Aziia tennis federatsiiasynyń vitse-prezidenti bolyp taǵaiyndaldy, dep habarlaidy QazAqparat.
Qazaqstan tennis federatsiiasy málim etkendei, osylaisha elimizdiń qurlyq tennisiniń damýyna qosqan úlesi moiyndalyp otyr.
«Qazaqstanda halyqaralyq týrnirlerdiń kóptep uiymdastyrylyp, joǵary deńgeide ótýi nátijesinde men Aziia tennis federatsiiasy kásipqoi tennis komitetiniń tóraǵasy bolyp taǵaiyndaldym. Sonymen qatar qarjylyq bilimim bolǵandyqtan, ATF qarjy komitetiniń quramyna kirdim. Oǵan qosa Ortalyq Aziiadaǵy tennisti damytý jónindegi jumys tobynyń tóraǵasy bolamyn. Bul osy aimaq elderiniń odan ári jaqyndasyp, tyǵyz jumys jasaýyna septigin tigizedi degen oidamyn», - dedi Polskii.
