يۋريي پولسكيي ازييا تەننيس فەدەراتسيياسىنىڭ ۆيتسە-پرەزيدەنتٸ بولىپ تاعايىندالدى, دەپ حابارلايدى قازاقپارات.
قازاقستان تەننيس فەدەراتسيياسى مەلٸم ەتكەندەي, وسىلايشا ەلٸمٸزدٸڭ قۇرلىق تەننيسٸنٸڭ دامۋىنا قوسقان ٷلەسٸ مويىندالىپ وتىر.
«قازاقستاندا حالىقارالىق تۋرنيرلەردٸڭ كٶپتەپ ۇيىمداستىرىلىپ, جوعارى دەڭگەيدە ٶتۋٸ نەتيجەسٸندە مەن ازييا تەننيس فەدەراتسيياسى كەسٸپقوي تەننيس كوميتەتٸنٸڭ تٶراعاسى بولىپ تاعايىندالدىم. سونىمەن قاتار قارجىلىق بٸلٸمٸم بولعاندىقتان, ATF قارجى كوميتەتٸنٸڭ قۇرامىنا كٸردٸم. وعان قوسا ورتالىق ازيياداعى تەننيستٸ دامىتۋ جٶنٸندەگٸ جۇمىس توبىنىڭ تٶراعاسى بولامىن. بۇل وسى ايماق ەلدەرٸنٸڭ ودان ەرٸ جاقىنداسىپ, تىعىز جۇمىس جاساۋىنا سەپتٸگٸن تيگٸزەدٸ دەگەن ويدامىن», - دەدٸ پولسكيي.
