Fizika pániniń muǵaliminiń óziniń kinásin moiyndaýyna qatysty pikir bildirdi, - dep habarlaidy kaz.tengrinews.kz.
Bostandyqqa shyqqan er adamnyń aitýynsha, bul jaǵdaidan shyǵýdyń jalǵyz joly kináni moiyndaý boldy. Mundai usynysty onyń advokaty aitqan eken. Bastapqyda sottalýshy aitylǵan usynyspen kelispegen. Biraq keiinnen ol kinásin moiyndady.
"Kópshiliktiń meniń nelikten osylai istegenimdi túsinbegen bolar, biraq mende qiyn tańdaý boldy. Qyzymnyń mektep bitirýin 11 jyl kúttim. Sol keshti men ótkizip almaý kerek boldym", - dedi Iýrii Pak.
Muǵalimniń aitýynsha, túrmedegi sońǵy kúnder ol úshin erekshe aýyr boldy.
Biraq qiyndyqtarǵa qaramastan er adam óziniń printsipterin ózgertpeitinin aitady. Sondai-aq, er adam qoldaý kórsketken barlyq qazaqstandyqqa alǵys bildirdi.
"Sizder senbeitin shyǵarsyzdar, biraq sómkemde men tanymaityn adamdar kelgen hattar óte kóp. Barlyǵy qoldaý kórsetip jattym. Barlyǵyna raqmet! Bul men úshin óte mańyzdy", - dedi Pak.
Sonymen qatar, bostandyqqa shyqqan er adamnyń advokaty zań boiynsha muǵalimge mekteptegi jumysyn jalǵastyrýǵa eshteńeniń kedergi keltirmeitinin aityp ótti.
Aita keteiik, búgin terakt jaily jalǵan habar berdi dep sottalǵan qaraǵandylyq muǵalim bostandyqqa shyǵyp otyr. Er adamdy jaqyndary, týystary jáne muǵalimder AK - 159/18 koloniiasynyń aldynda kútip aldy. Qaraǵandylyq muǵalim terakt jaily jalǵan habar bergeni úshin sottalǵan bolatyn. Sot protsesin búkil Qazaqstan baqylaǵan edi.
Eske salaiyq, 2016 jyldyń 3 qazanynda Iýrii Pak 2 jylǵa bas bostandyǵynan aiyrylǵan edi. Tergeý nusqasy boiynsha, 2016 jyldyń sáýir aiynda pedagog jumys ornynda otyryp, 102 pýltine qońyraý shalyp, ortalyq ámbebap dúkeninde jarylǵysh zattyń qoiylǵany týraly habar bergen. Bul aqparat rastalmady. Muǵalimge shyǵarylǵan úkim áleýmettik jelide kóp talqylandy. Kópshilik sot úkiminiń ádiletsiz ekenin jáne sottalýshynyń aiyby joǵy týraly jazdy. Keiinirek prokýrorlar jáne Qaraǵandynyń Qazybek bi aýdandyq sotynyń tóraǵasy sot sheshimine qatysty pikirlerin bildirdi.
"Terrorlyq akt týraly kórineý jalǵan habar berý" boiynsha sottalǵan qaraǵandylyq fizika pániniń muǵalimi Iýrii Paktyń apelliatsiialyq shaǵymyn da sot alqasy ózgerissiz qaldyrǵan bolatyn.
Muǵalimniń basynda bolǵan oqiǵa týraly Senat depýtaty Dariǵa Nazarbaeva Bas prokýratýradan bilgisi keldi. "Men Bas prokýratýraǵa hat joldap, is materialyn taǵy bir jiti qarap shyǵýyn suradym", - degen bolatyn Dariǵa Nazarbaeva, sonymen qosa ol sot júiesiniń isterine parlamentariler de aralasa almaitynyn aita ketken.
