Eldi mekenderde sý tasqyny jaǵdaiy kúrdelenýi múmkin. Bul týraly búgin Úkimet otyrysynda QR Tótenshe jaǵdailar ministri Iýrii Ilin málim etti, dep habarlaidy "Ult aqparat".
«Kúnniń kúrt jylynýy, qardyń qarqyndy erýi, sondai-aq mol jaýyn-shashyn jaǵdaiynda eldi mekenderde sý tasqyny jaǵdaiy kúrdelenýi múmkin. Osyǵan bailanysty ministrlik avariialyq-qutqarý bólimsheleriniń kúshteri men quraldarynyń tobyn qurdy», - dedi ol.
Onyń aitýynsha, halyqty habardar etý máseleleri pysyqtaldy.Azamattyq qorǵanys áskeri bólimderinde shatyrly lagerler daiyndaldy. Kúshter men quraldardy jedel jiberý, sondai-aq zardap shekken halyqty shuǵyl evakýatsiialaý úshin Qazaviaqutqarý áýe kemeleri únemi daiyn.
«Jaǵdai nasharlaǵan jaǵdaida biz rezervtik toptardyń kúshteri men quraldaryn kóshirýge daiynbyz», - dedi ministr.
