QR Ishki ister ministriniń orynbasary Iýrii Ilin Úkimet basshysynyń búgingi synynyń ádil bolǵanyn aitty, dep habarlaidy "Ult aqparat".
«Jazaǵa qatysty aitar bolsam, kez kelgen memlekettik qyzmetshiniń nemese pogon taǵyp júrgen adamnyń basshylyq sheshimine syn aitýǵa quqy joq. Alǵan eskertýimiz ben qatań sógisimiz obektivti dep sanaimyn. Soǵan sai sharalar qabyldanatyn bolady. Árine, baǵynyshtylardy jazalaý emes, qaita aldaǵy ýaqytta mundai oqiǵalarǵa jol bermeý, ony odan ary tómendetý tetikterin ázirleý turǵysynda», - dedi ol Úkimet otyrysynan keiingi baspasóz máslihatynda BAQ ókilderiniń saýalyna orai.
Sonymen qatar ol tótenshe jaǵdailar qyzmetkerlerine baǵany halyq ta beretindigin basa aitty.
«Baǵany bizge tek qyzmetkerler ǵana emes, halyq ta beredi dep oilaimyn. Jumystardyń basym bóligin qatardaǵy qyzmetkerler atqaratyndyǵyn barlyq jaýapkershilikpen aita alamyn. Biz tirkep otyratyn qutqarylǵan ómir sany - bul kómek kórsetken adamdardyń eń joǵary baǵasy», - dedi Iu.Ilin.
Esterińizge sala ketsek, búgin Úkimet otyrysynda Premer-Ministr Baqytjan Saǵyntaev QR Ishki ister ministriniń orynbasary Iýrii Ilinge sógis jariialaý jónindegi usynysty Prezident ákimshiligine engizýdi tapsyrǵan bolatyn.
Sonymen qatar Úkimet basshysy Tótenshe jaǵdailar komitetiniń tóraǵasy Vladimir Bekkerge jáne Astana qalalyq tótenshe jaǵdailar departamentiniń mindetin atqarýshy Marǵulan Amanbaevqa qatań sógis jariialady. Al Tótenshe jaǵdailar komiteti tóraǵasynyń orynbasary Barat Duzaqbaevty qyzmetinen bosatty.
