Qazaqstan boiynsha 285 eldi mekende sý basý qaýpi bar. QR Tótenshe jaǵdailar ministri Iýrii Ilin Úkimet otyrysynda osyndai málimet aitty, dep habarlaidy QazAqparat.
Áýeli ol 2017-2020 jyldarǵa arnalǵan sý tasqyny qaýpiniń aldyn alý jáne joiý jónindegi jol kartasy sheńberinde 41,9 mlrd teńgege 402 is-shara iske asyrylǵanyn eske saldy. Al 2022 jylǵy sý tasqyny kezeńine daiyndyq boiynsha sý tasqyny qaýpi bar eldi mekenderdi qorǵaýdy kózdeitin 148 is-shara qolǵa alynǵan. Aitýynsha, so n yń arqasynda 158 eldi mekenniń tasqynnan qorǵalý artqan.
«Jalpy, sý tasqynyna qarsy is-sharalar keshenin iske asyrý 340 eldi mekennen sý basý qaýpin alyp tastady jáne 385 eldi mekende qaýip barynsha azaityldy. Búgingi kúni sý tasqyny qaýpi bar 1 010 eldi mekenniń 285-i úshin qaýip saqtalýda», - dedi Iýrii Ilin.
Onyń málimeti boiynsha, eldiń taýly aimaqtarynda muzdyqtardyń qarqyndy erýi de tasqyn qaýpin joǵarylatyp otyr.
«Biz kanaldardy tazalaý, jarylý qaýpi bar 17 muzdaq kólde sifondar ornatý siiaqty aldyn alý is-sharalaryn júrgizdik», - dedi ministr.
