Búginge deiin álemdegi tuńǵysh ǵaryshker Iýrii Gagarin otyrǵan ushaq apatynyń sebebi belgisiz bolyp keledi. Dese de onyń ushaǵy meteorologiialyq sharmen soqtyǵysýy múmkin. Bul týraly RIA Novostige eki márte Keńes Odaǵynyń Batyry, alǵashqy ǵaryshkerler korpýsynyń sońǵy tiri múshesi Boris Volynov aitty.
- Aitý qiyn. Eshteńe anyq emes. Kóptegen nusqalar bar, olardyń qaisysy durys ekenin bilý múmkin emes. Nusqalardyń biri – mysaly, soldat ushý kezeńinde jeldiń ekpinin anyqtaý úshin meteorologiialyq pilottyq áýe sharyn ushyrýy múmkin. Bul salmaǵy shamamen kilogramm bolatyn qurylǵy. Eger ushaq onymen úlken jyldamdyqta ańdamai soqtyǵyssa, sonyń ózi jetip jatyr... Sonymen birge joǵary jyldamdyqpen ushqan kezde doptyń ózin aldyn-ala baiqap úlgermeitinińiz sózsiz, - dedi Boris Volynov. Aita keteiik, Boris Volynov qaiǵyly jaǵdaidyń sebepterin tergeý jónindegi komissiianyń múshesi bolǵan. Jerdiń alǵashqy ǵaryshkeri Iýrii Gagarin 1968 jyly 27 naýryzda Vladimir oblysy, Kirjach aýdany, Novoselovo aýylynyń mańynda MiG-15ÝTI oqý-jattyǵý reisi kezinde qaitys bolǵan. Gagarinmen birge ushqysh-nusqaýshy, polk komandiri Vladimir Seregin de qaza tapty. Áýe apatynyń sebebi áli anyqtalǵan joq.
Iýrii Gagarinniń ólimine qatysty boljam aityldy
