بٷگٸنگە دەيٸن ەلەمدەگٸ تۇڭعىش عارىشكەر يۋريي گاگارين وتىرعان ۇشاق اپاتىنىڭ سەبەبٸ بەلگٸسٸز بولىپ كەلەدٸ. دەسە دە ونىڭ ۇشاعى مەتەورولوگييالىق شارمەن سوقتىعىسۋى مٷمكٸن. بۇل تۋرالى ريا نوۆوستيگە ەكٸ مەرتە كەڭەس وداعىنىڭ باتىرى, العاشقى عارىشكەرلەر كورپۋسىنىڭ سوڭعى تٸرٸ مٷشەسٸ بوريس ۆولىنوۆ ايتتى.
- ايتۋ قيىن. ەشتەڭە انىق ەمەس. كٶپتەگەن نۇسقالار بار, ولاردىڭ قايسىسى دۇرىس ەكەنٸن بٸلۋ مٷمكٸن ەمەس. نۇسقالاردىڭ بٸرٸ – مىسالى, سولدات ۇشۋ كەزەڭٸندە جەلدٸڭ ەكپٸنٸن انىقتاۋ ٷشٸن مەتەورولوگييالىق پيلوتتىق ەۋە شارىن ۇشىرۋى مٷمكٸن. بۇل سالماعى شامامەن كيلوگرامم بولاتىن قۇرىلعى. ەگەر ۇشاق ونىمەن ٷلكەن جىلدامدىقتا اڭداماي سوقتىعىسسا, سونىڭ ٶزٸ جەتٸپ جاتىر... سونىمەن بٸرگە جوعارى جىلدامدىقپەن ۇشقان كەزدە دوپتىڭ ٶزٸن الدىن-الا بايقاپ ٷلگەرمەيتٸنٸڭٸز سٶزسٸز, - دەدٸ بوريس ۆولىنوۆ. ايتا كەتەيٸك, بوريس ۆولىنوۆ قايعىلى جاعدايدىڭ سەبەپتەرٸن تەرگەۋ جٶنٸندەگٸ كوميسسييانىڭ مٷشەسٸ بولعان. جەردٸڭ العاشقى عارىشكەرٸ يۋريي گاگارين 1968 جىلى 27 ناۋرىزدا ۆلاديمير وبلىسى, كيرجاچ اۋدانى, نوۆوسەلوۆو اۋىلىنىڭ ماڭىندا ميگ-15ۋتي وقۋ-جاتتىعۋ رەيسٸ كەزٸندە قايتىس بولعان. گاگارينمەن بٸرگە ۇشقىش-نۇسقاۋشى, پولك كومانديرٸ ۆلاديمير سەرەگين دە قازا تاپتى. ەۋە اپاتىنىڭ سەبەبٸ ەلٸ انىقتالعان جوق.
يۋريي گاگاريننٸڭ ٶلٸمٸنە قاتىستى بولجام ايتىلدى
