IýNISEF Qazaqstan biligine jańa oqý jylynan bastap mektepterdi ashýǵa keńes berdi. Qor oqýshylardyń bilimin qalypqa keltirý boiynsha baǵdarlama ázirleýge atsalysýǵa daiyn. Bul týraly seisenbi kúngi úkimet otyrysy kezinde IýNISEF-tiń Qazaqstandaǵy ókildiginiń jetekshisi Artýr van Dizen málimdedi, dep habarlaidy Azattyq.
"IýNISEF jańa oqý jylynan bastap sanitarlyq-epidemiologiialyq talaptardy saqtai otyryp, barlyq mektepti ashýǵa keńes beredi" dedi Artýr van Dizen.
Onyń aitýynsha, indet kezinde álemdegi árbir úshinshi oqýshy iaǵni, 463 mln balanyń qashyqtan oqýǵa múmkindigi bolmaǵan. Bul tendentsiiadan Qazaqstan da tys qalǵan joq. Qordyń aitýynsha, Qazaqstan bilim jáne ǵylym ministrligi bul turǵyda jedel sharalar qabyldaý qajettigin moiyndaidy. IýNISEF qajetti baǵdarlamalar ázirleýge qol ushyn berýge daiyn ekenin jetkizdi.
Ministrliktiń málimetinshe, biylǵy oqý jylynyń birinshi toqsanynda elde 2,5 mln oqýshy qashyqtan oqysa, tórtinshi toqsanda olardyń sany azaiyp, 1,3 mln oqýshy ǵana úide bilim alǵan. Sońǵy toqsanda 1,7 mln oqýshy aralas formatta oqyǵan.
Indet kezinde kóptegen ata-analar bilim sapasynyń nasharlap ketkenin aityp shaǵymdanǵan edi. Osyǵan deiin úlgerimi tómendep ketken oqýshylar úshin 25 mamyrdan keiin mektepterden arnaiy synyptar ashylatyny habarlanǵan.
Resmi málimet boiynsha, elde 20 myń bilim berý uiymy, 6 millionnan astam oqýshy, 540 myńnan astam pedagog bar.
