Ulttyq tennis ortalyǵynda Billi Djin King kýbogynyń irikteý kezeńinde Qazaqstan – Germaniia matchy bastaldy, dep habarlaidy QazAqparat.
Aldymen kortqa Iýliia Pýtintseva men Anjelika Kerber shyqty.
Álemniń burynǵy birinshi raketkasy, «Úlken dýlyǵa» týrniriniń úsh márte jeńimpazy A.Kerber qazirgi kezde 17-orynda bolsa, Iu.Pýtintseva 52-satyda edi.
Buǵan deiin germaniialyq tennisshi Iýliiany eki ret utqan edi.
Birinshi partiiany qarsylastar breik almasýmen bastady.
Sodan keiin A.Kerber qarqyndy oinap, esepti 5:1-ge jetkizdi. Iu.Pýtintseva breik jasaǵanymen, odan árige shamasy jetpedi – 3:6.
Esesine ekinshi sette esep 1:1 bolǵan mezette Iýliia breik jasai bildi.
Taǵy bir breikpen óziniń geimin de aldy – 5:1. Budan soń Anjelika esepti qysqartqanymen, qazaqstandyq tennisshi setti taǵy bir breikpen támamdady – 6:3.
Úshinshi, sheshýshi sette Pýtintseva 3:0 esebimen alǵa ketti. Sosyn matchty taǵy bir breikpen bitirdi – 6:2.
Tartysty ótken báseke barysynda Iu.Pýtintseva, ásirese, qysqa soqqylarmen qarsylasyn qapy qaldyryp otyrdy.
Osylaisha Qazaqstan 1:0 esebimen alǵa shyqty.
Endi búgin jekelei synda Elena Rybakina men Laýra Zigemýnd sheberlik baiqasady. Qalǵan oiyndar erteńge josparlanǵan.
