ۇلتتىق تەننيس ورتالىعىندا بيللي دجين كينگ كۋبوگىنىڭ ٸرٸكتەۋ كەزەڭٸندە قازاقستان – گەرمانييا ماتچى باستالدى, دەپ حابارلايدى قازاقپارات.
الدىمەن كورتقا يۋلييا پۋتينتسەۆا مەن انجەليكا كەربەر شىقتى.
ەلەمنٸڭ بۇرىنعى بٸرٸنشٸ راكەتكاسى, «ٷلكەن دۋلىعا» تۋرنيرٸنٸڭ ٷش مەرتە جەڭٸمپازى ا.كەربەر قازٸرگٸ كەزدە 17-ورىندا بولسا, يۋ.پۋتينتسەۆا 52-ساتىدا ەدٸ.
بۇعان دەيٸن گەرمانييالىق تەننيسشٸ يۋلييانى ەكٸ رەت ۇتقان ەدٸ.
بٸرٸنشٸ پارتييانى قارسىلاستار برەيك الماسۋمەن باستادى.
سودان كەيٸن ا.كەربەر قارقىندى ويناپ, ەسەپتٸ 5:1-گە جەتكٸزدٸ. يۋ.پۋتينتسەۆا برەيك جاساعانىمەن, ودان ەرٸگە شاماسى جەتپەدٸ – 3:6.
ەسەسٸنە ەكٸنشٸ سەتتە ەسەپ 1:1 بولعان مەزەتتە يۋلييا برەيك جاساي بٸلدٸ.
تاعى بٸر برەيكپەن ٶزٸنٸڭ گەيمٸن دە الدى – 5:1. بۇدان سوڭ انجەليكا ەسەپتٸ قىسقارتقانىمەن, قازاقستاندىق تەننيسشٸ سەتتٸ تاعى بٸر برەيكپەن تەمامدادى – 6:3.
ٷشٸنشٸ, شەشۋشٸ سەتتە پۋتينتسەۆا 3:0 ەسەبٸمەن العا كەتتٸ. سوسىن ماتچتى تاعى بٸر برەيكپەن بٸتٸردٸ – 6:2.
تارتىستى ٶتكەن بەسەكە بارىسىندا يۋ.پۋتينتسەۆا, ەسٸرەسە, قىسقا سوققىلارمەن قارسىلاسىن قاپى قالدىرىپ وتىردى.
وسىلايشا قازاقستان 1:0 ەسەبٸمەن العا شىقتى.
ەندٸ بٷگٸن جەكەلەي سىندا ەلەنا رىباكينا مەن لاۋرا زيگەمۋند شەبەرلٸك بايقاسادى. قالعان ويىندار ەرتەڭگە جوسپارلانعان.
