Elordada onlain formatta ótken «Abai jáne adamzattyq gýmanizm» atty halyqaralyq forýmda Nazarbaev ýniversitetiniń Qazaq tili jáne túrkitaný kafedrasynyń meńgerýshisi, professor Iýlai Shamioǵlý Abaidyń shyǵarmashylyǵyn zertteýge kóp kóńil bóletinin aitty, dep habarlaidy QazAqparat.
«Bizdiń kafedra Abaitanýmen belsendi túrde ainalysamyz. Bizdiń oqytýshylar, professorlar Abaidyń shyǵarmashylyǵyna kóp kóńil bóledi. Qudai qalasa, taǵy da basqa professorlardy jumysqa alyp, qazaq ádebieti boiynsha taǵy bir sabaq ashqym keledi. Abai – qazaq órkenietiniń ainasy. Nazarbaev ýniversiteti, sonyń ishinde bizdiń kafedra Abai shyǵarmashylyǵyn nasihattap kelemiz», - deidi Nazarbaev ýniversitetiniń Qazaq tili jáne túrkitaný kafedrasynyń meńgerýshisi, professor Iýlai Shamioǵlý.
Ol Amerika jáne Eýropada oqyǵan túrkitanýshy retinde Abaidy halyqaralyq kózqaras turǵysynan qalai zertteýge bolatyny týraly maǵlumat jinap júrgenin aitty.
«Men abaitanýshy emespin, biraq Abaidyń shyǵarmashylyǵyna qatysty halyqaralyq ǵylymi qaýymdastyqtardyń esigin ashý úshin qoldan kelgenniń bárin isteimin. Bul forýmǵa qatysýshylarǵa zor alǵys aitamyn», - dedi ol.
Qazaq halqynyń uly aqyny Abai Qunanbaiulynyń 175 jyldyq mereitoiyna arnalǵan forým Nazarbaev Ýniversitetinniń Rýhani jańǵyrý mádeni ortalyǵy men Nazarbaev ýniversitetiniń Qazaq tili jáne Túrkitaný kafedrasynyń uiymdastyrýymen ótti.
