Almatyda Balalar pediatriiasy jáne hirýrgiiasy ortalyǵynan ystyq klizmaǵa kúiip qalǵan 10 ailyq sábi úiine shyǵaryldy, dep habarlaidy QazAqparat tilshisi.
Búldirshin 23 sáýirde úiine qaitaryldy.
«Balanyń jaǵdaiy jaqsy. Kúiigi tolyq jazyldy. Bolashaqta balanyń densaýlyǵynda kinárat bolmaidy. Bala 19 kún boiy emdeldi. Qazir qyzýy joq, tábeti jaqsy», - dedi Ortalyqtyń mamandary.
Munyń aldynda Shymkent aýrýhanasynda ystyq sýmen jasalǵan klizmadan kúiip qalǵan sábi Almatydaǵy Pediatriia jáne balalar hirýrgiiasy ǵylymi ortalyǵynda em qabyldap jatqanyn jazǵan bolatynbyz.
Eske sala keteiik, Shymkent aýrýhanalarynyń birinde medbike 10 ailyq nárestege klizmany ystyq sýmen jasaǵan. Saldarynan bala kúiik jaraqatymen aýrýhananyń jansaqtaý bóliminen bir-aq shyqty.
Oqiǵaǵa qatysty Densaýlyq saqtaý ministri Eljan Birtanov pikir bildirgen bolatyn.
Atalǵan fakti boiynsha 2 medbike jumystan shyǵaryldy, bas medbike qyzmetinen alyndy, bas dárigerdiń orynbasary men emdeýshi dárigerge qatań sógis jariialandy.
